Contact us at (800) USC-CARE (800-872-2273)

USC Neurosciences

USC Neurosciences2019-02-06T14:53:41+00:00

Նյարդաբանական հիվանդությունների նորարարական բուժումներ

Սկսելով համապարփակ գնահատումից և ախտորոշումից՝ USC Նյարդաբանական գիտությունները կարող է օգնել ձեզ հաղթահարել նյարդաբանական ծանր հիվանդությունները: Համատեղելով նյարդաբանական վիրաբուժությունն ու նյարդաբանությունը՝ մեր թիմը ներառում է բազմաթիվ մասնագիտությունների աշխարհի լավագույն փորձագետներին: Բուժման զարգացած մեթոդներով, փորձառու բժիշկներով, վերջին տեխնոլոգիաներով և նորարարական հետազոտությամբ USC Նյարդաբանական գիտությունների բժիշկները այս ոլորտում առաջատար են:

Read More »


Ճշգրիտ ախտորոշումն ու բուժումը շատ կարևոր են նյարդաբանական բարդությունները հաղթահարելու գործում: Մեր թիմը ամբողջական մոտեցում է ցուցաբերում բոլոր փուլերում՝ ձեր հիվանդությունը գնահատելու համար զարգացած տեխնոլոգիաներ կիրառելով: Հետո մենք բուժման ծրագիր ենք մշակում՝ ներառելով անհրաժեշտ ցանկացած ուռուցքաբանություն, ճառագայթաբանություն, ֆիզիկական և զբաղվածության թերապիաներ կամ այլ ծառայություններ: Երբ հնարավոր է, մենք իրականացնում ենք ոչ վիրահատական կամ նվազագույն միջամտությամբ տեխնոլոգիաներ, որոնք օգնում են ավելի արագ վերադառնալ առօրյա գործողություններին ավելի քիչ կողմնակի ազդեցություններով:

Մենք առաջարկում ենք եզակի ծրագրեր խրոնիկական գլխացավեր, էպիլեպսիա, հազվադեպ հանդիպող նյարդաբանական խանգարումներ և Պարկինսոնի հիվանդություն բուժելու համար՝ օգնելով հիվանդներին կրկին ձեռք բերել իրենց անկախությունը և վայելել ակտիվ կենսակերպը: Ալցհեյմերի հիվանդության տասնյակ տարիների մեր հետազոտության շնորհիվ մենք բարելավել ենք հիվանդության ախտորոշումն ու կառավարումը՝ բարելավելով հիվանդների կյանքի որակը:

Ավելի քան 20 մասնագիտացված կենտրոններ

USC Նյարդաբանական գիտությունները ներառում է ավելի քան 20 մասնագիտացված կենտրոններ ու ծրագրեր: Բազմամանագիտական խնամքի մեր մոդելի շնորհիվ բժիշկները համագործակցում են այլ մասնագիտացումների իրենց կոլեգաների հետ, որպեսզի համոզվեն, որ յուրաքանչյուր հիվանդ ստանում է համապատասխան բուժում հնարավոր լավագույն արդյունքներով:

Ուղեղային և ողնաշարային ուռուցքի կենտրոն

Ձեր ուռուցքի համար ախտորոշման և բուժման ծրագիր մշակելու համար մենք համախմբում ենք նյարդավիրաբույժներին, բժշկական նյարդուռուցքաբաններին, ճառագայթային ուռուցքաբաններին և ճառագայթաբաններին: Մենք զգուշորեն նշում ենք ուռուցքի գտնվելու վայրը, որպեսզի նվազեցնենք շրջակա տարածքների վնասման ռիսկը, և կիրառում ենք զարգացած տեխնոլոգիաներ, որպեսզի փոքրացնենք կտրվածքի չափսը և արագացնենք ապաքինման գործընթացը: Ուղեղային որոշ ուռուցքների դեպքում ենք կարող ենք իրականացնել արթուն վիճակում գանգոսկրի վիրահատություն, ինչի շնորհիվ պահպանվում են խոսքի և շարժողական գործառույթները:

Լարուռուցքի կենտրոն

Լարուռուցքի մեր կենտրոնը Միացյալ նահանգներում մի քանի հաստատություններից մեկն է, որ մասնագիտանում է այս հազվադեպ հանդիպող ողնաշարային ուռուցքի մեջ՝ մեր նյարդուռուցքաբաններին բուժման համապարփակ ծրագիր մշակելու և իրակացնելու հնարավորություն ընձեռելով: Մենք առաջարկում ենք շարունակական կլինիկական փորձեր, ինչպես նաև զարգացած վիրահատական տեխնոլոգիաներ, ինչպիսիք են միկրոմասնահատումը և պատկերման ուղղորդումը, օգտագործելով նյարդանավիգացիոն թերապիա:

Էպիլեպսիայի համապարփակ կենտրոն

Մեր նպատակն է տրամադրել մատչելի, բազմամասնագիտացած խնամք, որը յուրաքանչյուր հիվանդի կարիքներին համապատասխան բուժում կիրականացնի: Որպես էպիլեպսիայի 4-րդ աստիճանի մասնագիտացած կենտրոն՝ մենք բուժում ենք ամենաբարդ դեպքերը և կարող ենք օգնել այն հիվանդներին, ում ցնցումները չեն բուժվել դեղամիջոցների միջոցով: Մենք առաջարկում ենք արձագանքող նյարդախթանում, դեղամիջոցներով կլինիկական փորձեր, ինչպես նաև եզակի վերականգնողական ծրագիր, որը օգնում է հիվանդներին կրկին ձեռք բերել իրենց անկախությունը:

Ուղեղի խորը խթանման կենտրոն

Մենք առաջարկում ենք Հարավային Կալիֆորնիայի ամենահամապարփակ խնամքը այն հիվանդներին, ովքեր ուղեղի խորը խթանման կարիք ունեն, որը կարող է բուժել Պարկինսոնի հիվանդությունը, էական դողէրոցքը, լարման խանգարումը կամ շարժողական այլ խանգարումները: Պարկինսոնի հիվանդության և շարժողական համակարգի խանգարումների կենտրոնի և Ներօպերատիվ նյարդաֆիզիոլոգիական մոնիթորինգի ծրագրի հետ համագործակցության շնորհիվ մեր հետազոտողները նոր բուժումներ են ստեղծում, որոնք կարող են վնասել ուղեղի անբնական էլեկտրական ազդանշանները:

Գլխացավի և նեվրալգիայի կենտրոն

Ամենաբարդ և անկառավարելի գլխացավերին և դիմային ցավի խանգարումներին մենք բազմամասնագիտացված մոտեցում ենք ցուցաբերում: Մեր թիմում կան ֆիզիկական թերապեվտներ, զբաղվածության թերապեվտներ, ցավի բժիշկներ, հոգեբաններ, նյարդավիրաբույժներ, նյարդաբաններ և լրացնող/այլընտրանքային բժշկությա մասնագետներ: Այս փորձառությունը մենք ինտեգրել ենք երկրի միակ Lifestyle Redesign® ծրագրի մեջ, որը ներառում է կանխարգելիչ բուժման ռազմավարություն և կենսակերպի մոդիֆիկացում խրոնիկական գլխացավերի պատճառը գտնելու և վերացնելու համար:

Ներօպերատիվ նյարդաֆիզիոլոգիական մոնիթորինգի ծրագիր

Նյարդաբանական ընթացակարգերի ժամանակ մեր բժիշկները հսկում և օգնում են վիրաբույժներին՝ վիրահատության ժամանակ նյարդաբջջի ակտիվությունը չափելու համար նորարարական տեխնոլոգիաներ օգտագործելով: Ներօպերատիվ մոնիթորինգի, ուղեղի քարտեզավորման և ուղեղի իմպլանտների շնորհիվ մենք կարող ենք նվազեցնել ռիսկերը և բարելավել արդյունքները: Այս մեթոդները մեզ թույլ են տալիս արժեքավոր հետազոտություններ իրականացնել անեվրիզմաները, ուղեղային և ողնաշարային ուռուցքները, ողնաշարային բարդ հիվանդությունները, գլխի և պարանոցի ուռուցքները բուժելու ուղղությամբ:

Հիշողության և ծերանալու կենտրոն

Շնորհիվ Ալցհեյմերի հիվանդության, թուլամտության և ծերացման հետ կապված հիավնդությունների ախտորոշման և բուժման ամենաառաջատար ծառայությունների՝ մենք տրամադրում ենք համապարփակ խնամք, որը կարող է բարելավել կյանքի որակը: Ավելի քան 30 տարիների ընթացքում մեր հետազոտողները էական առաջխաղացում են ունեցել Ալցհեյմերի հիվանդությունը, անոթուղեղային վնասվածքներըի և հիշողության խնդիրները հասկանալու մեջ: Այս հետազոտությունը և շարունակական կլինիկական փորձերի համախմբումը մեզ ամեն օր մեկ քայլ ավելի մոտ է դարձնում բուժմանը:

Նվազագույն միջամտությամբ նյարդավիրաբուժություն և գանգոսկրի էնդոսկոպիկ կենտրոն

Գանգոսկրի ուռուցքների ախտորոշման և գնահատման մեր փորձառությունը հիվանդներին տալիս է բուժման ամենանորարարական եղանակների հնարավորությունը՝ ներառյալ BrainPath®, նյարդաէնդոսկոպիան և նյարդանավիգացիան: Զարգացած այս տեխնոլոգիաները մեզ թույլ են տալիս օգտագործել բնական ճանապարհներ, որոնք պահանջում են ավելի ձոքր կտրվածքներ, նվազեցնում են ցավը, ինֆեկցիոն ռիսկը, կողմնակի ազդեցությունները և հիվանդանոցային կացության տևողությունը:

Բազմակի սկլերոզի համապարփակ խնամքի կենտրոն

Հիվանդակենտրոն մեր ծրագիրը ներոռում է զարգացած բուժումներ և թերապիաներ, ինչպես նաև վերականգնողական և ցանցայի աջակցություն հիվանդներին, նրանց ընտանիքներին և խնամակալներին: Մենք բազմամասնագիտացված մոտեցում ենք ցուցաբերում յուրաքանչյուր հիվանդի կարիքներին՝ անհատականացված դեղորայքով, ներարկման ծառայություններով և հիվանդների ծրագրերով և աջակցման խմբերով: Մի քանի շարունակական կլինիկական փորձեր մեր հիվանդներին բուժման նոր եղնակներ են բերում:

Նյարդակրիտիկական խնամքի կենտրոն

Նյարդակրիտիկական խնամքի կենտրոն- Մենք բուժում ենք ուղեղային և ողնուղեղային ծանր հիվանդություններով՝ կաթված, անեվրիզմաներ, արյունազեղումներ, կենտրոնական նյարդային համակարգի, ողնաշարի, ականջի, քթի կամ կոկորդի վիրահատություններ ունեցած հիվանդների: Նյարդաինտենսիվ խնամքի բաժանմունքի նվիրված մեր աշխատակիցները օգնում են նյարդաբանական վնասվածք ունեցող հիվանդների ապաքինման գործընթացն արագացնել: Նյարդաինտենսիվիստների գլխավորությամբ՝ թիմը ներառում է նյարդաբանների, նյարդավիրաբույժների, նյարդաճառագայթաբանների և ինտենսիվ խնամքի մասնագետների:

Նյարդուռուցքաբանության ծրագիր

Ուղեղային ր ողնաշարային ուռուցքների հանդեպ մեր համապարփակ մոտեցումը ներառում է վերջին զարգացումները՝ ներառյալ ուռուցքների խցանումները, զարգացած նյարդանավիգացիոն տեխնոլոգիաները և պատկերավորման բարդ տեխնոլոգիան: Մենք մասնագիտացած ենք անոթուղեղային վիրաբուժության, ստերեոստատիկ ճառագայթային վիրաբուժության, շարժողական խանգարումների, ներանոթային նյարդավիրաբուժության, գանգոսկրի վիրաբուժության, նյարդաէնդոկրին վիրաբուժության, ողնաշարային բարդ վիրաբուժության, ծայրամասային նյարդի վիրաբուժության, նյարդային տրավմայի և մանկական նյարդավիրաբուժության մեջ:

Նյարդային հոգեբանություն և կոգնիտիվ վարքային նեվրալգիայի ծրագիր

Ուշադրության, հիշողության, լեզվի, տեսողական հմտությունների և էմոցիոնալ կարգավիճակի թեստերի միջոցով մենք գնահատում ենք հիվանդների կոգնիտիվ ուժերն ու թուլությունները՝ առաջարկելով կոգնիտիվ և վարքային փոփոխությունների ներըմբռնում: Մենք աշխատում ենք գլխի վնասվածք, կաթված, էպիլեպսիա, կրկնվող սկլերոզ, Պարկինսոնի հիվանդություն, Ալցհեյմերի հիվանդություն և այլ թուլամտություններ ունեցող հիբանդների հետ: Մեր տեխնոլոգիաների միջոցով հիվանդների հիշողության հանդեպ նոր մոտեցումներ կարող են սովորել և ավելի լավ ընդունել փոփոխությունները:

Նյարդավերականգնողական ծրագիր

Մենք օգնում ենք հիվանդներին վերագտնել իրենց անկախությունը կաթվածից կամ ուղեղի այլ վնասվածքից հետո այնպիսի թերապիաների միջոցով, որոնք բարելավում են շարժունակությունը, առօրյա գործողությունները, ճանաչողությունը, հաղորդակցությունն ու ուժերը: Ֆիզիկական թերապեվտների, զբաղվածության թերապեվտների, խոսքի ախտաբանների, վերականգնողական բուժանձնակազմի, սոցիալական աշխատողների, մենեջերների և ֆիզիոլոգների թիմը աշխատում է միասին, որպեսզի հիվանդների կողքին լինի ամեն քայլափոխին:

Նյարդաժառանգության բազմամասնագիտացված ծրագիր

մենք հսկում և բուժում ենք այնպիսի նյարդաժառանգական հիվանդություններ, ինչպիսիք են նյարդաթելքուռոցկուտություն 1-ը, նյարդաթելքուռոցկուտություն 2-ը, Վոն Հիպել Լինդո համախտանիշը, Լի Ֆրաումենի համախտանիշը, ելունգավոր սկլերոզը, Նունանի համախտանիշը և Կոստելոյի համախտանիշը: Չնայած շատ հիվանդների մոտ բացակայում են ախտանիշները՝ շարունակական մոնիթորինգը օգնում է գտնել ուռուցքները, երբ դրանք հնարավոր է բուժել ճառագայթման և ճառագայթավիրաբուժության ընթացակարգերի միջոցով:

Նյարդամկանային ծրագիր

Մենք հատուկ մոտեցում ենք ցուցաբերում նյարդամկանային խանգարումները գնահատելու, ախտորոշելու, նյարդաֆիզիոլոգիական թեստավորում և բուժում իրականացնելու հանդեպ: Շնորհիվ զարգացած ժառանգական և մոլեկուլյար ախտորոշման՝ մենք կարող ենք ավելի ճիշտ բուժում նշանակել յուրաքանչյուր հիվանդին: Մեր ծրագիրը ներառում է նյարդաֆիզիոլոգիական էլեկտրամկանագծման լաբորատորիա և ներարկման կենտրոն, ինչպես նաև մի քանի կլինիկական փորձեր, որոնք գնահատում են նոր բուժումներն ու թերապիաները:

Նյարդանոթային խանգարման կենտրոն

Մենք բուժում ենք կենտրոնական նյարդային համակարգի արյան շրջանառության խանգարումներ՝ ներառյալ կաթվածը, զարկերակային արատները, քներակի նեղացումը և անեվրիզմաները: Մեր փորձառու նյարդավիրաբույժները իրականացնում են խցանումեր, անոթապլաստիկա և լայնացողի տեղաբաշխում, և մշակում են նոր մեթոդներ անգամ ամենաբարդ դեպքերի բուժման համար:

Պարկինսոնի հիվանդության և շարժողական խանգարումների կենտրոն

Մենք առաջարկում ենք Հարավային Կալիֆորնիայի ամենահամապարփակ կենտրոնը Պարկինսոնի հիվանդության և այլ շարժողական խանգարումների բուժման համար, ինչպես նաև տարածաշրջանում ամենամեծ կլինիկական փորձերը: Մեր մոտեցումը ներառում է նյարդաբանների, նյարդավիրաբույժների, բուժանձնակազմի, կլինիկական ֆիզիոլոգների, սոցիալական աշխատողների, խոսքի թերապեվտների և ֆիզիկական ու զբաղվածության թերապեվտների: Մենք ճանաչված ենք հետազոտության, համապարփակ խնամքի տրամադրման, պրոֆեսիոնալ կրթության և հիվանդների իրազեկման համար:

Մակուղեղային կենտրոն

Մոտ 40 տարի առաջ կենտրոնը ներկայացրեց նվազագույն միջամտությամբ վիրահատական մեթոդներ մակուղեղային խանգարումները բուժելու համար: Ավելի քան 4,000 հիվանդների բուժելուց հետո մեր վիրաբույժները Հարավային կալիֆորնիայում ամենամեծ վիրահատական փորձն ունեն: Մեր եզակի ծրագիրը մատուցում է ամբողջական, երկարատև խնամք բարդ մակուղեղային ուռուցքների և հորմոնալ խանգարումների համար՝ իրականացնելով էնդոսկոպիկ ներքթային վիրահատություններ և զարգացած ճառագայթավիրաբուժական եղանակներ:

Վերանոթավորման կենտրոն

Որպես Հարավային կալիֆորնիայի ամենամեծ վերանոթավորման կենտրոն՝ մենք տրամադրում ենք համազգայնորեն ճանաչված, բազմամասնագիտացված ամբողջականություն նյարդավիրաբուժության, նյարդաբանության և պլաստիկ վիրաբուժության բաժանմունքների մեջ: Մեր թիմը մասնագիտացած է այնպիսի բարդ անոթուղեղային հիավնդությունների ախտորոշման և բուժման մեջ, ինչպիսիք են Մոյամոյա հիվանդությունը, ներգանգային աթերոսկլերոզը, բարդ անեվրիզմաները և ինքնածին առաջային հիվանդությունը: Մեր ներմասնագիտացված միկրովիրաբուժական ամբողջականությունը օգնում է մշակել լուծումներ բարդ խնդիրների համար՝ բարելավված կոսմետիկ արդյունքներով

Ռոքսաննա Թոդ Հոջիս համապարփակ կաթվածի կենտրոն և անցողիկ իշեմիկ հարձակումների (TIA) ծրագիր

Մենք ախտորոշում և բուժում ենք անցողիկ իշեմիկ հարձակումները կրկնվող կաթվածների ռիսկը նվազեցնելու համար: Ձեր բժշկի ուղեգրմամբ մենք բազմամասնագիտացված մոտեցում ենք ցուցաբերում, որպեսզի տրամադրենք արագացված գնահատում և զարգացած պատկերավորման մեթոդներ արյան շրջանառության խանգարումները բացահայտելու համար: Մենք նաև մասնակցում ենք շատ հետազոտական ուսումնասիրությունների, որոնք գնահատում են պատկերավորման նոր տեխնոլոգիաները, ախտորոշման թեստավորումն ու բուժումները

Գանգոսկրի թերապեվտիկ կենտրոն

Մենք հեշտացնում և օպտիմալացնում ենք գանգի բարդ ուռուցքներ և դրա հետ կապված հիվանդություններ ուցող հիվանդների խնամքը: Նվազագույն միջամտությամբ մեր տեխնոլոգիաները ներառում են էնդոսկոպիկ նյարդավիրաբուժություն և ճառագայթավիրաբուժություն Gamma Knife®-ի և CyberKnife®-ի օգնությամբ: Մենք բուժում ենք առաջնային և կողային գանգի ուռուցքները՝ կիրառելով գերճշգրիտ տեխնոլոգիաներ հնարավոր լավագույն արդյունքների և ապաքինման նվազագույն ժամկետների համար:

Ողնաշարային կենտրոն

Լինելով USC Օրթոպեդիկ վիրաբուժության և USC Նյարդավիրաբուժության մի մասը՝ մեր նյարդավիրաբույժները և օրթոպեդիկ վիրաբույժները աշխատում են միասին ցավը նվազեցնելու և գործառույթն ու շարժունակությունը վերականգնելու համար: Հաճախ մենք սկսում ենք ոչ վիրահատական և նվազագույն միջամտությամբ բուժումներից և առաջարկում ենք մի շարք ողնաշարային վիրաբուժության ընթացակարգեր: Մեր փորձառության շնորհիվ այն հիվանդները, որոնք ուրիշ ոչ մի տեղ չեն կարողացել առողջանալ, փոխում են իրենց կարծիքը:

Ստերեոտակտիկ ճառագայթաբուժության կենտրոն

Նորարարական վիրահատական այս մեթոդը փոխում է հիվանդների կարծիքը ուղեղային և ողնաշարային ուռուցքների բուժման վերաբերյալ: Մեր փորձագետները կիրառում են ճառագայթային ուռուցքաբանության երեք ամենաարդյունավետ բուժումները՝ Gamma Knife® Perfexion և TrueBeam™ STx: Մենք հազարավոր ընթացակարգեր ենք իրականացրել և Հարավային Կալիֆորնիայում միակ հաստատությունն ենք, որը բոլոր երեք բուժումներն իրականացնում է նույն վայրում:

Եռվորյակ նեվրալգիա և դեմքի միակողմանի սպազմի կենտրոն

Մենք առաջարկում ենք ոչ վիրահատական և վիրահատական բուժումներ եռվորյակ նեվրալգիայի և դեմքի միակողմանի սպազմի դեպքերում: Մեր նորարարական տեխնոլոգիաները կարող են բուժել այս հիվանդությունները ՝ նվազեցնելով հնարավոր կողմանկի ազդեցությունները, ինչպիսին է լսողության կորուստը: Մենք իրականացնում ենք ամբողջական նյարդաբանական զննում, որպեսզի ստանանք ճիշտ ախտորոշումը, և բուժման մի քանի տարբերակներ ենք առաջարկում այն հիվանդներին, ում չեն օգնել նախորդ բուժումները:

Contact us at (800) USC-CARE (800-872-2273)

Լոս Անջելեսի շրջանի տեղամասերը

Լոս Անջելեսի շրջանում USC Keck Medicine-ը բուժում է բազմաթիվ հիվանդների:

Եթե ճանապարհորդում եք Միացյալ Նահանգներից դուրս, USC միջազգային առողջության անձնակազմը կարող է ձեզ և ձեր ընտանիքին աջակցել ճանապարհորդության և կացարանի, հիվանդների պաշտպանության հարցերում և օգնել առողջական խնամքի գործընթացի ուղղորդման մեջ: Իմանալ ավելին USC International Health-ի մասին:

Keck Medicine of USC
Univeristy of Southern California
Keck Medicine of USC
Keck Medicine of USC
Keck Medicine of USC is the University of Southern California’s medical enterprise, one of only two university-owned academic medical centers in the Los Angeles area.